شنبه ۱۹ اردیبهشت ۹۴ | ۰۰:۲۶ ۶۴ بازديد
سن زلفيني آچ تؤك اوزونه ، شانه سي مندن
زنجيري نشان وئر منه ، ديوانه سي مندن
سن عاشقي يانديرماقا ، من يانماقا ماييل
سن شمعيني گؤستر منه ، پروانه سي مندن
زولفون قدري ، عاشق اولان وار سنه اي گول
سن سؤيله اول مجنونلاري ، افسانه سي مندن
سرمست گؤزون ، فتنه لبين ، نشئه لي باده
ايچدير منه اول باده ني ، پيمانه سي مندن
سن نازيله گول كي ، صدفين قيمتي آرتسين
گؤزياشي كيمي ، اينجيسي دردانه سي مندن
هردم گؤتور اوزدن گؤزه ليم ، افعي زولفون
چك ظاهره گنجينه ني ، ويرانه سي مندن
شعر
شعر